बुटवल, फागुन ४
बुटवल–८, सुख्खानगरमा अवस्थित एभरेष्ट इङ्लिस बोर्डिङ माध्यमिक विद्यालयमा विविध कार्यक्रमहरु भएका छन् । कक्षा ४ देखि १० सम्म अन्तरसदनात्मक कविता वाचन प्रतियोगिता र बास्केटवल प्रतियोगिता सम्पन्न भएका हुन् ।
कविता वाचन प्रतियोगितामा कक्षा ४ र ५ बाट आविष्कार पौडेल प्रथम, प्रिया नेपाल द्वितीय, अदिती आचार्य तृतीय, कक्षा ६, ७ र ८ बाट आशुतोष अधिकारी प्रथम, स्पर्श लम्साल द्वितीय, अकु्रर न्यौपाने तृतीय र कक्षा ९ र १० बाट इसाक बि. क. प्रथम, विधाता थापा द्वितीय र आयुष्मा कक्षपतीले तृतीय स्थान प्राप्त गरेका छन् ।
त्यसैगरी बास्केटवल प्रतियोगितामा जुनियर ब्वायजतर्फ ब्लु हाउस प्रथम, ग्रिन हाउस द्वितीय, सिनियर ब्वायजतर्फ ब्लु हाउस प्रथम, एल्लो हाउस द्वितीय र छात्रातर्फ एल्लो हाउस प्रथम र रेड हाउसले द्वितीय स्थान प्राप्त गरेका छन् ।
विद्यालयका सहप्राचार्य तथा अतिरिक्त क्रियाकलाप विभाग प्रमुख भीमसेन गौतमको सभापतित्व, प्राचार्य कृष्ण न्यौपानेको प्रमुख आतिथ्य, उप प्राचार्यद्वय उमेश रेग्मी र माला पाण्डेको आतिथ्यतामा कार्यक्रम भएको थियो । बास्केटवल प्रशिक्षक झक बहादुर थापा, अमिसा सिंजाली, आर्यन टण्डन र सनिध्य बज्राचार्य तथा शिक्षकद्वय माधव प्रसाद पौडेल, बुद्विप्रसाद नेपालले निर्णायकको भुमिका निभाउनु भएको कार्यक्रमको सञ्चालन विद्यार्थीद्वय आयुष्मा पौडेल र नेहारिका ज्ञवालीले गरेका थिए ।
विजयी विद्यार्थीहरुलाई पुरस्कार प्रदान गर्नुहुँदै विद्यालयका प्राचार्य कृष्ण न्यौपानेले विद्यार्थीको व्यक्तित्व विकासका लागि विद्यालयले विभिन्न खेलकुदहरु र ज्ञानवद्र्धक प्रतियोगिताहरु आयोजना गरिरहने र त्यसमा विद्यार्थीको सक्रिय सहभागिता आवश्यक रहेको बताउनुभयो ।
