बुटवल,फागुन २३
नेकपा एमालेको जनवर्गीय संगठन अखिल नेपाल महिला संघ,पूर्वी नवलपरासीले अन्तर्राष्ट्रिय श्रमिक महिला दिवसको अवसर पारेर एकल महिलाहरुलाई सम्मान गर्ने भएको छ । 

वृद्व अशक्त तथा अपाङ्गता भएका  सासू–ससुराहरुलाई स्याहार–सुसार, पालनपोषण एवम् सहयोग गर्दै आएका एकल बुहारी÷ महिलाहरुलाई सम्मान गर्ने तयारी रहेको अनेम संघ,पूर्वी नवलपरासीकी अध्यक्ष दया दर्लामीले बताउनु भयो । 

अनेमसंघको जिल्ला सचिवालयको मंगलवार  सुनवलको भूमहीमा रहेको सहिद विष्णु पाण्डेय स्मृति प्रतिष्ठानमा बसेको बैठकले सो निर्णय गरेको अध्यक्ष दर्लामीले बताउनु भयो । 

जिल्लामा रहेका सातवटै पालिकाका करिव पचास जना एकल महिलाहरुलाई फागुन २४ गते सम्मान गरिने उहाँले जानकारी दिनु भयो । उहाँका अनुसार घरघरमा पुगेर वृद्धा सासू–ससुरालाई हर्लिक्स,अण्डा, फलफूल उपहार समेत प्रदान गरिने छ ।

यो कार्यक्रमले अनेम संघलाई जनताको घरदलोसम्म पुराउने,पार्टी र जनताको सम्बन्ध प्रगाढ बनाउँदै लैजाने र अनेम संघको गतिशीलता बढ्दै जाने अध्यक्ष दर्लामीको तर्क छ ।

११४ औं अन्तर्राष्ट्रिय महिला दिवस (८ मार्च ) फागुन २५ गते शुक्रबार “महिलामा लगानी : सभ्य र समुन्नत समाजको थालनी" भन्ने राष्ट्रिय नाराका साथ देशभर र  "Invest in women : Accelerate progress " 
भन्ने नाराका साथ विश्वभर मनाईदैछ