बुटवलमा पटाकाको तस्करी गर्ने एकजना पक्राउ
बुटवल,कार्तिक १५
ईलाका प्रहरी कार्यालय बुटवलले ठुलो परिणाममा पटाका सहित एकजनालाई पक्राउ गरेको छ । बुटवल–६ सुन्दरनगरमा भण्डारण गरेर राखिएको ठुलो परिमाणको पटाका सहित प्रहरीले एकजनालाई पक्राउ गरी बुधबार सार्वजनिक गरेको हो ।
बुटवल ६ खयरघारी सुन्दरनगर स्थीत सुरज गुप्ताको घरमा भण्डार गरी राखेको बिभिन्न नामका र बिभिन्न आकारका ३ लाख ३७ हजार ९८१ बराबरको पटाका सहित बुटवल–५ का २१ वर्षीय सुरज गुप्तालाई पक्राउ गरिएको इलाका प्रहरी कार्यालय बुटवलका डिएसपी दानबहादुर थापाले जानकारी दिनुभयो ।
पक्राउ परेका गुप्तामाथि थप अनुसन्धान भइरहेको डिएसपी थापाले बताउनुभयो । दीपावली नजिकिएसँगै भारतीय सीमानाकाहरुबाट पटाका र आतिसबाजीको तस्करी गर्नेहरु सक्रिय भएका छन् ।
प्रकाशित मिति: बुधबार, कात्तिक १५, २०८० १७:५९
प्रतिक्रिया दिनुहोस्
