भैरहवा, जेठ २३

रुपन्देहीलाई कार्यक्षेत्र बनाएर पत्रकारिता गर्दै आउनुभएका पत्रकार दिनेश पाण्डे वातावरण उत्कृष्ट लेखन पत्रकारिता पुरस्कार–२०८० बाट पुरस्कृत हुनुभएको छ । रुपन्देहीको परिवेशमा वातावरण पत्रकारिता क्षेत्रमा विशिष्ट योगदान पुर्याउँदै उत्कृष्ट लेखन पत्रकारिताको उत्कृष्टता हासिल गरेको भन्दै पाण्डेलाई उक्त पुरस्कार प्रदान गरिएको हो ।

विश्व वातावरण दिवसको अवसरमा बुधबार सिद्धार्थनगर नगरपालिकाको सभाहलमा आयोजित कार्यक्रममा उहाँलाई नगरप्रमुख इश्तियाक अहमद खाँ, वातावरण उत्कृष्ट लेखन पत्रकारिता पुरस्कार तथा वातावरण बचाउ आन्दोलन सिद्धार्थनगर, रुपन्देहीका संरक्षक एवं संस्थापक अध्यक्ष नारायण प्रसाद सापकोटाले नगद र सम्मानपत्रसहित पुरस्कृत गरेका हुन् ।

पाण्डे नेपाल पत्रकार महासंघ रुपन्देहीका पूर्व उपाध्यक्ष समेत हुनुहुन्छ । उहाँ लुम्बिनी टेलिभिजन, समयचक्र डटकममा आबद्ध हुनुहुन्छ । पुरस्कारको राशी रु. २५ हजारको रहेको छ ।सो अवसरमा बोल्दै नगरप्रमुख खाँले वातावरणको क्षेत्रमा आगामी दिनमा पनि कलम चलाउन आग्रह गरे । उहाँले वातावरण संरक्षणका लागि वृक्षारोपण आवश्यक रहेकोमा जोड दिनुभयो। 

सिद्धार्थनगर नगरपालिकाका वरिष्ठ अधिकृत यादव प्रसाद सापकोटाको सञ्चालनमा भएको कार्यक्रममा वातावरण उत्कृष्ट लेखन पत्रकारिता पुरस्कार तथा वातावरण बचाउ आन्दोलन रुपन्देहीका संरक्षक एवं संस्थापक अध्यक्ष नारायण प्रसाद सापकोटा, पुरस्कृत पत्रकार पाण्डे लगायतले भनाइ राख्नुभएको थियो । पुरस्कार मूल्यांकन समितिको संयोजकको भूमिकामा भरत कुमार पोखरेल रहनुभएको थियो । 

क्जबचभ तजष्कः