तिलोत्तमा, असोज ८
अपांगता भएका महिला तथा बालबालिकाहरुका लागि थप बिशेष सुविधा र संरक्षणको आवश्यक रहेको एक कार्यक्रमका वक्ताहरुले बताएका छन् । महिला तथा वालवालिककाो सवालमा सञ्चारकर्मीहरुको भुमिका बिषयक अन्र्तक्रियामा सहभागी वक्ताहरुले सो कुरामा जोड दिएका हुन् ।
युएसएड,स्ट्याण्ड,द एशिया फाउन्डेसनको सहयोग एक्सेस प्लानेट संस्थाको आयोजनामा सोमबार सम्पन्न भएको कार्यशालामा बोल्दै एक्सेस प्लानेटका कार्यकारी निर्देशक लक्ष्मी नेपालले अपांगता भएका ब्यक्तिमाथि सकारात्मक दृष्टिकोणको खाँचो औल्याउनुभयो ।
उहाँले अपांगताको परिभाषा र तथ्यांकका बिषयमा प्रकाश पार्दै नेपालमा अपांगता भएका ब्यक्तीका लागि सीप अवरोध भएको बताउनुभयो । नेपालमा अपांगतालाई १० प्रकारमा बिभाजन गरेको भएपनि राज्यबाट पाउनुपर्ने कतिपय सेवा सुविधा र अधिकारबाट बञ्चित हुनुपरेको सुनाउनुभयो । कार्यकारी निर्देशक नेपालले त्यसमा पनि बौद्धिक अपांगता ,अपांगता भएका महिला वालवालिकाहरुको सवालमा सञ्चारमाध्यमले अझैबढी आवाज उठाउन आवश्यक रहेको बताउनुभयो ।
संस्थाले अपांगता भएका ब्यक्ती तथा महिलालाई ध्यानमा राखेर न्यायमा पहुँच परियोजना सुरु गरेको नेपालको भनाई छ । सञ्चार माध्यमले प्रयोग गर्दा अपांगता सम्बन्धी मर्यादित शब्दहरुको प्रयोग गर्न,दयामुखि अवधारणा नरा्ख्न, अधिकारका बिषयमा बृहत जानकरी दिन आग्रह गर्नुभयो । कार्यशालामा पत्रकार आरपी आचार्यले लुम्बिनी प्रदेशमा अपांगता समस्या के छ ? अपांगता भएका ब्यक्ती कति छन्? भनेर तथ्यांक संकलन गरेर अगाडि बढ्न आवश्यक रहेको सुझाव दिनुभयो।
त्यस्तै संचारिका समूह लुम्बिनी प्रदेशका अध्यक्ष अमृता अनमोलले अपांगता भएका ब्यक्तिका प्रजनन स्वास्थ्य र पारिवारिक सुरक्षाका बिषयमा ध्यान नगएकोमा जोड दिनुभयो। उहाँले यो बिषय उठानमा आगामी दिनमा सुधार गर्नुपर्ने खांचो औंल्याउनुभयो ।
कार्यक्रममा पत्रकार उषा किरण पन्थ, अस्मिना पाण्डे , एक्सेस प्लानेटका फाईनान्स अफिसर सन्जु श्रेस्ठ र एशिया फाउन्डेसनका रघुनाथ रानाले अपांगता भएका नागरिकको अधिकार प्रत्याभुतका लागि सबै क्षेत्रको सहयोगको साथ आवश्यक रहेको बताउनुभएको थियो।
